ສາຂາແຂວງພາກໃຕ້

ສາຂາແຂວງ ຈຳປາສັກ

ຟຟລ ສາຂາແຂວງ ຈຳປາສັກ ປິດຊຸດຮຽນ ທິດສະດີ-ການເມືອງຊັ້ນຕົ້ນ

ເພື່ອສ້າງຄວາມເຊື່ອໝັ້ນຕໍ່ການຊີ້ນຳ ໆ ພາຂອງພັກ, ການຄຸ້ມຄອງຂອງລັດທັງເປັນການເຝີກຝົນຫຼໍ່ຫຼອມຄຸນສົມບັດສີນທຳປະຕິວັດ, ທັດສະນະຫຼັກໝັ້ນ ຊົນຊັ້ນກຳມະກອນ ແລະ ປັບປຸງແບແຜນວິທີເຮັດວຽກ, ແບບແຜນດດຳລົງຊິວີດໃຫ້ມີຄວາມປອດໃສຂາວສະອາດ, ຄະນະໂຄສະນາອົບຮົມແຂວງ ຈຳປາສັກ ສົມທົບກັບ ລັດວິສາຫະກິດໄຟຟ້າລາວ ສາຂາແຂວງ ຈຳປາສັກ ແລະ ຂະແໜງການທີ່ກ່ຽວຂ້ອງໄດ້ເປີດຊຸດຮຽນທິດສະດີ-ການເມືອງຊັ້ນ ຕົ້ນລະບົບກໍ່ສ້າງເລັ່ງລັດ 3 ເດືອນປະຈຳສົກປີ 2008-2009 ຂື້ນທີ່ລັດວິສາຫະກິກໄຟຟ້າລາວສາຂາແຂວງ ດັ່ງກ່າວ ເຊິ່ງໄດ້ເລີ່ມການຮຽນ-ການສອນ ມາແຕ່ເດືອນເມສາ 2008 ທີ່ຜ່ານມາ ແລະຮອດຕົ້ນເດືອນກໍລະກົດປີນີ້ຈິ່ງໄດ້ສຳເລັດ ພ້ອມທັງຈັດພິທີປິດຊຸດຮຽນຢູ່ທີ່ ຟຟລ ສາຂາແຂວງ ຈຳປາສັກ

ທ່ານ ບຸນເຫຼືອ ທອນທົງເດດ ຄະນະໂຄສະນາອົບຮົມແຂວງ ຈຳປາສັກ ໄດ້ຕາງໜ້າຄະນະຮັບຜິດຊອບຊຸດອົບຮົມລາຍງານຕໍ່ພິທີ ເຊີ່ງເນື້ອໃນສຳຄັນ ບາງຕອນ ທ່ານກ່າວວ່າ: ເນື້ອໃນໂຄງການຫຼກສູດການຮຽນ-ການສອນທີ່ຈັດຕັ້ງປະຕິບັດໃນຊຸດອົບຮົມຄັ້ງນີ້ແມ່ນຖຶກຕ້ອງຄົບຖ້ວນ ຕາມຫຼັກສູດທີ່ຄະນະ ໂຄສະນາອົບຮົມສູນກາງພັກກຳນົດອອກຄື: ມີ 8 ພາກ ແລະ 46 ບົດ, ໃນນັ້ນມີວິຊາສັງເຂບປະຫວັດສາດ, ປະເທດລາວ-ຄົນລາວ, ວິຊາຄວາມຮູ້ພື້ນ ຖານກ່ຽວກັບປັດຊະຍາ ແລະ ລັດທິມາກ-ເລນີນ, ຄວາມຮູ້ພື້ນຖານກ່ຽວກັບເສດຖະສາດການເມືອງ, ຄວາມຮູ້ກ່ຽວກັບລັດທິສັງຄົມນິຍົມວິ ທະຍາສາດ, ວິຊາເສັ້ນທາງການຂະຫຍາຍຕົວຂອງປະເທດເຮົາກ່ຽວກັບການສ້າງລະບອບປະຊາທິປະໄຕປະຊາຊົນລາວຕາມເສັ້ນທາງສັງຄົມນິຍົມ, ວິຊາຄວາມຮູ້ກ່ຽວ ກັບພັກປະຊາຊົນປະຕິວັດລາວ ແລະ ຄວາມຮູ້ພື້ນຖານກ່ຽວກັບກົດໝາຍ ແລະ ການບໍລິຫານລັດ,

ທ່ານ ບຸນເຫຼືອ ລາຍງານຕໍ່ອິກວ່າຜ່ານການຈັດຕັ້ງປະຕິບັດໂຄງການຫຼັກສູດ ດັ່ງກ່າວ ຄະນະຮັບຜິດຊອບຊຸດອົບຮົມໄດ້ ເອົາໃຈໃສ່ການຂື້ນຫ້ອງ-ລົງ ຫ້ອງສິດສອນ ຕົວຈິງຂອງຄູອາຈານ, ການຄົ້ນຄວ້າພາຍໃນໜ່ວຍ, ການສອບເສັງໃນ 8 ພາກວິຊາ, ການສອບເສັງຈົບຊັ້ນຕົ້ນ, ການໄປທັດສະນະສຶກ ສາ ແລະ ການຄົ້ນຄວ້າສອບເສັງລວມທັງໝົດມີ 322 ຊົ່ວໂມງ, ສ່ວນການສອບເສັງຈົບຊົ້ນຄັ້ງນີ້ມີນັກສຳມະນາກອນຮຽນດີ-ຮຽນເກັ່ງເສັງໄດ້ຄະແນນ 8-9 ມີ 10 ຄົນ, ຍິງ 3 ຄົນ, ຮຽນດີເສັງໄດ້ຄະແນນ 6-7 ມີ 18 ຄົນ, ຍິງ 2 ຄົນ ລວມເປັນ 28 ຄົນ ເຊີ່ງໄດ້ຮັບໃບຢັ້ງຢືນໃນຊຸດນີ້.

ໃຫ້ກຽດເຂົ້າຮ່ວມພິທີ ແລະ ມອບ ໃບຢັ້ງຢືນໂດຍ ທ່ານສີປະເສີດ ແສນສະຫວັດ ກຳມະການພັກແຂວງ ຫົວໜ້າໂຄສະນາ-ອົບຮົມແຂວງ ເຊີ່ງຕາງ ໜ້າໃຫ້ການນຳຂອງແຂວງ, ມີຄະນະນຳຈາກພະແນກພະລັງງານ ແລະ ບໍ່ແຮ່, ຫົວໜ້າອຳນວຍການການເມືອງ-ການປົກຄອງແຂວງ ພ້ອມພະນັກງານຄູ-ອາຈານ ແຂກເຊື້ອເຊີນຈາກຂະແໜງການທີ່ກ່ຽວຂ້ອງຕະຫຼອດຮອດຄະນະພັກ, ຄະນະສາຂາ ແລະ ນັກສຳມະນາກອນຂອງ ຟຟລ ສາຂາແຂວງ ຈຳປາສັກເຂົ້າຮ່ວມຢ່າງພ້ອມພຽງ.

ຈາກ : ໜັງສືພີມ ຈຳປາໃຫມ່

DSC01592
DSC01593

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: